Kur kanë mbetur vetëm pak orë përpara nisjes së seancës së jashtëzakonshme plenare, krerët e koalicionit qeverisës po zhvillojnë një takim tek ‘Vila 30’. Nga sa mësohet, në këtë takim marrin pjesë kryeministri Edi Rama, kreu i Kuvendit, Ilir Meta, kryetari i Komisionit të Ligjeve, Fatmir Xhafa, si dhe kreu i grupit parlamentar të PS-së, Gramoz Ruçi. Mësohet, se krerët e maxhorancës në qendër të takimit kanë seancën e sotme, ku opozita ka shprehur hapur qëndrimin se nuk do të marrë pjesë. Ashtu siç u paralajmërua ditën e premte, Kuvendi do të mblidhet sot rreth orën 17:00, në një seancë të jashtëzakonshme për ngritjen e komisioneve “ad hoc” për Vettingun. Kryeparlamentari Ilir Meta pak orë më parë i’u bëri thirrje grupeve parlamentare që të dorëzojnë emrat e deputetëve deri në orën 16:00.
